“ბარსელონას” გამო “ლას პალმასის” დირექტორმა უარი 3 დიდ კლუბს უთხრა

პედრი გონსალესი “ბარსელონაში” როკო მაიორინოს დახმარებით აღმოჩნდა – ცნობილი იტალიელი ჟურნალისტის, ჯანლუკა დი მარციოს ინფორმაციით, სანამ “ბარსა” პედრით დაინტერესდებოდა, “ლას პალმასის” სპორტულ დირექტორს ახალგაზრდა ნახევარმცველის თაობაზე შეთავაზება არაერთი კლუბიდან ჰქონდა, თუმცა ტრანსფერზე არავის დასთანხმებია. 

პედრის შეძენის სურვილს “მილანი”, მადრიდის “რეალი” და “ატლეტიკო” გამოთქვამდნენ, თუმცა დირექტორმა იცოდა, რომ ფეხბურთელი ბავშვობიდან “ბარსელონას” ქომაგობდა და მის ოცნების გუნდში მოხვედრას ხელი შეუწყო. ტრანსფერის განხორციელებაზე გავლენა იმანაც მოახდინა, რომ მაიორინოს “ბარსას” დირექტორ რამონ პლანესთან ახლო ურთიერთობა ჰქონდა. 

პედრი კატალონიურ გრანდს 17 წლის ასაკში შეუერთდა და გუნდის ძირითად შემადგენლობაში ადგილი მალევე დაიმკვიდრა. მიმდინარე სეზონში მის ანგარიშზე 19 მატჩი და 2 გოლია.