პაბლო საბალეტა: მესი “მანჩესტერ სიტიში” ფეხბურთით დატკბება

“უპირველეს ყოვლისა სამწუხაროა მესის ასეთ სიტუაციაში ხილვა. არასდროს მიფიქრია, რომ ის იქნებოდა ისეთ სიტუაციაში, როდესაც “ბარსელონასთან” კონტრაქტის ბოლო წელიწადი ეწურება. გუნდი კარგად ვერ თამაშობს და როგორც ჩანს, მას ასეთი ფეხბურთი არ მოსწონს. ლეო ბედნიერი არ არის, ასე რომ ვნახავთ, რა მოხდება სეზონის ბოლოს.

“მანჩესტერ სიტიში” მას, სერხიო აგუეროს სახით, ახლო მეგობარი ჰყავს და მას ადრე უმუშავია პეპ გვარდიოლასთან “ბარსელონაში”, ასე რომ ისინი ერთმანეთს იცნობენ. ამ გუნდში კიდევ რამდენიმე ადამიანი იცნობს მესის.

თუ მესი “ბარსელონას” დატოვებას გადაწყვეტს და სხვა ქვეყანაში გადასვლას მოისურვებს, “მანჩესტერ სიტი” ერთ-ერთი ვარიანტი იქნება.

მე ვიცნობ ლეოს და ის ძალიან დიდი ხანია “ბარსელონაში” თამაშობს. მინდა, რომ ის “ბარსაში” დარჩეს. პეპმა ამის შესახებ უკვე ისაუბრა ადრე. მას უყვარს კლუბი და არ ვფიქრობ, რომ ის წავა. მაგრამ თუ ის გადაწყვეტს წასვლას, შესაძლოა, “სიტი” გახდეს მისთვის ადგილი, სადაც ის წასვლასა და ფეხბურთით სიამოვნების მიღებას შეძლებს. პრემიერ ლიგაში თამაშის გამოცდილების მიღება ყველა მოთამაშეს სურს.”