“ბარსელონას” შტაბის პრესკონფერენცია

კატალონიის “ბარსელონას” “კამპ ნოუს” ოფისში დღეს, 4 საათის განმავლობაში კლუბის მმართველ წევრებს შორის შეხვედრა მიმდინარეობდა.

თათბირის შემდეგ, “ლურჯ-ბროწეულისფერთა” პრესმდივანი, ჟოზეპ ვივესი საგანგებო პრესკონფერენციას მართავს, რასაც განახლებად რეჟიმში შემოგთავაზებთ.

• 2020/21 წლებისათვის “ბარსელონას” შემოსავალი 828 მილიონი ევროა (28 მილიონით ნაკლები, ვიდრე გასულ სეზონში).
• ხარჯები – 796 მილიონი ევრო (160 მილიონი ევროთი ნაკლები, ვიდრე გასულ სეზონში).
• ხელმძღვანელობა კიდევ ერთხელ აღნიშნავს, რომ VAR-ის ტექნოლოგიასა და მის მიერ გაწეულ სამუშაოს ემხრობა.

ვივესი

“ვიმედოვნებთ, რომ თებერვალში სტადიონზე ტრიბუნების 25%-ის გულშემატკივრებით შევსება შეგვეძლება, მაისში კი ეს რაოდენობა 50%-მდე ავა”

“ბარსელონა” VAR-ის ტექნოლოგიის უსამართლოდ გამოყენებას გმობს”.

ჟოზეპ მარია ბართომეუ

“მთავრობის წარმომადგენლებს უნდობლობის გამოცხადების რეფერდუმის გადატანა 15 ან 16 ნოემბერს ვთხოვეთ, თუმცა პასუხად უარი მივიღეთ”.

“კატალონიის მთავრობამ ჩვენს მოთხოვნას პატივი არ სცა, რომ რეფერენდუმისათვის მოსამზადებლად 15 დღე გვქონოდა”

“სანამ რადიკალურ გადაწყვეტილებებს მივიღებდეთ, იქამდე მთავრობას დაველოდებით. როდესაც პასუხი გვეცოდინება, შტაბის შეხვედრა კვლავ გაიმართება”.

“ხელფასების შემცირება ახლა ჩვენი ერთ-ერთი პრიორიტეტია. მოთამაშეებთან მოლაპარაკებები ვაწარმოეთ და შეთახნმებას მივაღწიეთ. მათ მადლობას ვუხდი”.

“ყველაფერი, რაც დღევანდელ შეხვედრაზე გადაწყდა, ანონიმურია. გადაწყვეტილებას ყველა დირექტორი ემხრობა”.

“შევთანხმდით, რომ ლეო მესის შესახებ არ მესაუბრა, რადგან ჩვენი კაპიტნის შესახებ საჯარო განხილვა არ დამეწყო. დამადანაშაულეს, რომ მის ტრანსფერს ფინანსური მიზნების გამო ვიყენებდი, თუმცა ყოველთვის კლუბის ინტერესებს ვიცავ”.

“ლეოს გადაწყვეტილების მესმის. ისიც მესმის, რომ ბოლო შედეგებით უკმაყოფილოა. თუმცა, მის კონტრაქტში არსებობდა პუნქტი, რამაც ახლა მისი “ბარსელონაში” ყოფნა განაპირობა. ვიმედოვნებთ, რომ ის აქ კიდევ დიდხანს დარჩება.

“გასული სეზონის ბოლოს ახალი მწვრთნელის დანიშვნა გარდაუვალი იყო. კუმანი კლუბს კარგად იცნობს და ყველაფერი აქვს იმისთვის, რომ გუნდის განახლების პრობლემას შეეჭიდოს”.

“20,000 წევრს, რომელიც უნდობლობის გამოცხადებას ემხრობა, დიდ პატივს ვცემ. რაიმის შეჩერებას არ ვაპირებთ”.

“მაცნობეს, რომ რამოსისა და ლანგლეს ინციდენტის მომენტისას, მსაჯების აუდიოფრაგმენტი არსებობს. ყველა მტკიცებულებას განვიხილავთ და “ბარსას” ინტერესებს დავიცავთ. არარსებულმა პენალტმა თამაში სრულიად შეცვალა”.

“არცერთ შემთხვევაში, პოსტის დატოვება არ განმიხილავს, ამისათვის მიზეზი არ არსებობს. კარგი დრო არ იქნებოდა იმისათვის, რომ კლუბი ახალი მენეჯერის ხელში გადავიდეს”.