ტიაგო ალკანატარამ “ბარსელონას” “ლივერპული” არჩია

როგორც იცით, ცოტა ხნის წინ ტიაგო ალკანტარამ “ბაიერნი” დატოვა და “ლივერპულს” შეუერთდა, თუმცა მანამდე მას “ბარსელონასაც” უკავშირებდბენ.

29 წლის ფეხბურთელმა “რეკორდმაისტერიდან” წასვლა დიდი ხნის წინ გადაწყვიტა, მაგრამ მისი მომდევნო გაჩერება მხოლოდ და მხოლოდ გასულ კვირაში გახდა ცნობილი.

Cadena SER-ის ინფორმაციით, “ბარსას” წარმომადგენელი, ხავიერ ბორდასი “ლა მასიელის” ყოფილ კლუბში დაბრუნებაში დარწმუნებას ცდილობდა და მასთან შეხვედრაც გამართა, თუმცა ესპანელისგან შეიტყო, რომ მას გული მერსისაიდელთა რიგებისაკენ მიუწევდა.

გარდა ამისა, წყაროს ცნობით, “ბლაუგრანამ” გერმანელთა მიერ მოთხოვნილი 30 მილიონი ვერ გადაიხადა, ვინაიდან, ბართომეუს ნახევარდაცვის ხაზის გასაძლიერებლად, ამ წუთისთვის, მხოლოდ 10 მილიონი ევრო აქვს გამოყოფილი.

შეგახსენებთ, ტიაგო იურგენ კლოპის გუნდში 30 მილიონ ევროდ გადავიდა და “ჩელსისთან” სადებიუტო მატჩიც ჩაატარა.