ფორმატი შეიცვალა – ვის დაუპირისპირდება “ბარსა ბ” მომდევნო სეზონში

“ბარსელონას” სარეზერვო გუნდმა დასაწინაურებელი პლეიოფის ფინალამდე მიაღწია, თუმცა იქ დამარცხდა და სეგუნდა დივიზიონში დაბრუნება ვერ შეძლო. შესაბამისად, კატალონიელები ისევ მე-3 საფეხურზე არიან და აღზევებას მომდევნო სეზონში ეცდებიან. 

ესპანეთის ფეხბურთის ფედერაციის გადაწყვეტილებით, 2020/21 წლების სეზონი განსხვავებული ფორმატით ტარდება. III ჯგუფი, რომელშიც “ბარსა ბ” სხვა კატალონიურ და ვალენსიურ გუნდებთან ერთადაა, ორ ჯგუფად დაიყო – ერთში 11 გუნდია, მეორეში კი 10. 

“ბარსელონას” მეტოქეები შემდეგი გუნდები იქნებიან:

პრატი, ლ’ოსპიტალეტი, ბადალონა, ანდორა, ჟიმნასტიკი, ლეიდა, ესპანიოლი ბ, კორნელია, ლაგოსტერა, ოლოტი. 

ჩავი პიმიენტას გუნდი ახალ სეზონს 18 ოქტომბერს დაიწყებს.