დიდი ხანია, ბედიერი მესი არ მინახავს – ჟეფრენი

“ბარსელონას” ყოფილი ფეხბურთელი, ჟეფრენ სუარესი ლიონელ მესის შესახებ აგორებულ ჭორებს ეხმაურება.

“არგენტინელი ბავშვობიდან “ბარსას” გულშემატკივარია. ცხოვრების კლუბის დასატოვებლად, რაღაც სერიოზული უნდა მომხდარიყო. 2-3 წელია, ის ჩვეულად აღარ იღიმის, მანამდე კი მის თანაგუნდელებთან ერთად ყოველთვის ბედნიერი იყო.

მესმის, რომ ლეოს იმ გუნდში გადასვლა სურს, სადაც ბედნიერი იქნება. პეპ გვარდიოლას “მანჩესტერ სიტი” მისი შეძენით დაინტერესებული ერთ-ერთი მხარეა. ისინი კარგად ვითარდებიან.

პეპისა და მესის ურთიერთობა? არ ვიცი, რადგან “ბლაუგრანა” ადრე დავტოვე, მაგრამ “ლა პულგა” გვარდიოლას ძალიან აფასებდა. სპეციალისტმა იცოდა, რომ მასთან ერთად ის ფეხბურთის ისტორიაში საუკეთესი იყო”, – ციტირებს ვენესუელელის სიტყვებს Marca.

ჟეფრენი “ლა მასიას” აღზრდილია, პირველი გუნდის რიგებში კი 2008-2011 წლებში ირიცხებოდა. სუარესი მხოლოდ იმითაა ცნობილი, რომ 2010 წელს “კამპ ნოუზე” გამართულ “ელ კლასიკოში”, რომელშიც “ბარსელონამ”, ანგარიშით, 5-0 იმარჯვა, მან ბოლო გოლის გატანა მოახერხა.

ამჟამად, 32 წლის ფეხბურთელი ხორვატული “სლავენის” ღირსებას იცავს.