მესის დაზიანებამ ხელი ვერ შეუშალა – გილერმო ამორი

“ბარსელონას” დირექტორი, გილერმო ამორი “ნაპოლისთან” მოგებულ შეხვედრას (3:1) აფასებს.

“მატჩის სტარტზე “ნაპოლიმ” საკმაოდ კარგად დაიწყო და შანსებიც მიიღო. ტაიმის მიწურულს მათ სასარგებლოდ დანიშნულმა პენალტმა გარკვეული გაუგებრობა გამოიწვია.

თუმცა, მთავარია, რომ ეს ეტაპი გავიარეთ, რითაც ბედნიერები ვართ. ლეო მესიმ მთელი შეხვედრა ჩაატარა, რადგან შესვენების შემდეგ, დაზიანებამ ხელი ვერ შეუშალა. არგენტინელი არასდროს წუწუნებს“, – აცხადებს ამორი.

შეგახსენებთ, ჩემპიონთა ლიგის მეოთხედფინალში “ბარსა” მიუნხენის “ბაიერნს” დაუპირისპირდება, რომელმაც ლონდონის “ჩელსი”, ორი მატჩის ჯამში, ანგარიშით 7:1 დაამარცხა.