ლორენცო ინსინიე ტრავმირებულია

გუშინ გაიმართა “ნაპოლისა” და “ლაციოს” დაპირისპირება, რომელიც ნეაპოლელთა გამარჯვებით, ანგარიშით, 3-1 დასრულდა.

მიუხედავად მოგებისა, გატუზოს გუნდს საქმე სასიხარულოდ არ აქვს, რადგან მატჩის 82-ე წუთზე ლორენცო ინსინიემ დაზიანება მიიღო და მოედანი აცრემლებულმა დატოვა.

შეგახსენებთ, რომ 6 დღეში კატალონიის “ბარსელონა” სწორედ “ნაპოლის” დაუპირისპირდება. ამ დროისათვის უცნობია, შეძლებს თუ არა ლორენცო იტალიელთა დახმარებას. თუმცა მისი ტკივილის გამომხატველი ჟესტებიდან თუ ვიმსჯელებთ, ტრავმა საკმაოდ სერიოზულია.