“ბარსელონა ბ-ს” რამდენიმე ფეხბურთელი ხვალიდან პირველ გუნდთან ერთად მოემზადება და გამორიცხული არაა, მათ ჩემპიონთა ლიგაზე თავის გამოჩენის შანსიც კი მიეცეთ.
RAC1-ის ცნობით, “ბარსა ბ-ს” 9 ფეხბურთელს ხვალ, ოთხშაბათს, კორონავირუსზე ტესტი ჩაუტარდება და უარყოფითი პასუხის შემთხვევაში, ისინი პირველ გუნდს შეუერთდებიან. ეს მოთამაშეები არიან: ინიაკი პენია, არნაუ ტენასი, დანი მორერი, ოსკარ მინგესა, ხორხე კუენკა, მონჩუ, ხანდრო ორელიანა, ლუდოვიტ რეისი და კონრად დე ლა ფუენტე.
ჩემოთვლილი ფეხბურთელებიდან პირველი ორი მათგანი მეკარეა, ხოლო დანარჩენ მოთამაშეებს კი, “ბარსელონაში” საკადრო პრობლემების გამო, ნამდვილად შეუძლიათ ევროპის ყველაზე პრესტიჟული საკლუბო ტურნირის 1/8-ფინალში “ნაპოლისთან” 8 აგვისტოს განმეორებითი მატჩის განაცხადში მოხვდნენ.
აქვე დავძენთ, რომ “ბარსელონა ბ-მ” რამდენიმე დღის წინ “საბადელთან” ფლეი ოფის ფინალი წააგო და სეგუნდა დივიზიონში გადასვლის შანსი ხელიდან გაუშვა, რაც იმას ნიშნავს, რომ ზემოთ ხსენებული მოთამაშეების მომავალი, ჯერჯერობით, გაურკვეველია.
კარგია, ახალგაზრდები რო გვინდა ვათამაშოთ, მაგრამ ეს ბიჭები ჩემპიონთა ლიგის გათამაშების განაცხადში არიან? რომელიც ლიგის სეზონის გახსნამდე ბარდება უეფას?
ამათგან თუ ვინმე ათამაშეს უბედნიერესი იქნება და არასდროს დაავიწყდება.