რატომ შეიძლება უნდოდეს მესის წასვლა?

Cadena SER-მა 2021 წელს მესის მიერ “ბარსელონას” დატოვების შესახებ ინფორმაციასთან ერთად ის მიზეზებიც გაავრცელა, რომლებმაც, შესაძლოა, ფეხბურთელი აღნიშნულ გადაწყვეტილებამდე მიიყვანოს.

ერიკ აბიდალი: მესი თავისი ყოფილი თანაგუნდელის მიერ ერნესტო ვალვერდეს გათავისუფლებასთან დაკავშირებით გაკეთებული კომენტარების გამო ნაწყენია. არგენტინელი მიიჩნევს, რომ აღნიშნული შეტევა პერსონალურად მისკენ იყო მიმართული.

კიკე სეტიენი: ზემოთ ნახსენები წყაროს ცნობით, მესისა და სეტიენს შორის უთანხმოებას აქვს ადგილი, უბრალოდ ამის შესახებ ინფორმაცია საჯაროდ ჯერ არ ვრცელდება.

ნეიმარი: ლეო ვერ ხვდება, თუ რატომ არ ცდილობს კლუბი ბრაზილიელი გარემარბის გუნდში დაბრუნებას.

ჟოზეპ მარია ბართომეუ: არგენტინელს ამჟამინდელი პრეზიდენტის მმართველობის პერიოდში გუნდში დარჩენა არ სურს.

უცნაური ჭორები: კაპიტანი ეჭვობს, რომ კლუბის შიდა სამზარეულოდან ვიღაც ჭორებს პრესას სპეციალურად აწვდის.

გასაოცარი ბრალდებები: მესი ფიქრობს, რომ მწვრთნელისა და ხელმძღვანელობის გადაწყვეტილებებზე მისი გავლენის არსებობასთან დაკავშირებით, ტყუილ-უბრალოდ ადანაშაულებენ.

წარუმატებელი ტრანსფერები: ლეო “ბარსას” უკანასკნელი ტრანსფერებით უკმაყოფილოა. ის ფიქრობს, რომ კლუბის მცდარი გადაწყვეტილებების გამო მისთვის არასასურველ მოთამაშეებთან ერთად თამაში უწევს.

გაურკვეველი მომავალი: მესის სურს, იცოდეს, თუ ვინ იქნება გუნდის ახალი თავკაცი, ჩავი თუ რონალდ კუმანი.

დიდი ალბათობით, მესის კლუბიდან წასვლის შესახებ ინფორმაცია კვლავაც ჭორი აღმოჩნდება, თუმცა გუნდში არსებული მდგომარეობა, რა თქმა უნდა, არგენტინელზე უარყოფითად მოქმედებს.

კაპიტანმა მიმდინარე სეზონში 37 შეხვედრაში მიიღო მონაწილეობა, მის ანგარიშზე 27 გოლთან ერთად 22 ასისტია.