ჩავი ერნანდესი “ბარსას” ობამეიანგთან და მანესთან დაკავშირებით აფრთხილებს

“ბარსელონას” ლეგენდა, ჩავი ერნანდესი სადიო მანესა და პიერ-ემერიკ ობამეიანგთან დაკავშირებით კატალონიურ გრანდს აფრთხილებს.

“ფართო სივრცეებში სენეგალელსა და გაბონელს შეუძლიათ, დიდი ზიანი მოგაყენონ. თუმცა, “ბარსას” ისეთი ფეხბურთელები სჭირდება, რომლებმაც პატარა სივრცეებში გადაადგილება იციან. იმ მოთამაშეზე ვფიქრობ, რომელიც “ბლაუგრანასთნ” კარგად ადაპტირდება, მაგრამ ასეთის პოვნა ადვილი არაა. სამუელ ეტო’ო სრულყოფილი თავდამსხმელი იყო, ისევე, როგორც ახლა – ლუის სუარესია”, – ციტირებს ჩავის სიტყვებს Diario AS.

ობამეიანგი დიდი ხანია კატალონიური კლუბის რადარზეა და კლუბმა მისი შეძენა ზამთრის სატრანსფერო ფანჯარაზეც სცადა, თუმცა ლონდონის “არსენალმა” გაბონელის სანაცვლოდ 30 მილიონი ფუნტი მოითხოვა, რაც “ლურჯ-ბროეულისფერებმა” არ დააკმაყოფილეს. 30 წლის შემტევმა მიმდინარე სეზონში 32 მატჩში 20 გოლი გაიტანა.

რაც შეეხება მანეს, ნაკლებად სავარაუდოა, რომ სენეგალელმა “ლივერპული” უახლოს მომავალში დატოვოს და “ბარსელონას” შეუერთდეს. 28 წლის ფეხბურთელმა წლევანდელ სეზონში 38 შეხევდრაში 18 ბურთი მიითვალა.