“ბარსელონამ”, შესაძლოა, მატია დე შილიო 10 მილიონ ევროდ შეიძინოს

ტურინის “იუვენტუსის” იტალიელმა მცველი, მატია დე შილიო, შესაძლოა, “ბარსელონას” რიგებში ვიხილოთ, იტყობინება Marca. 

როგორც უკვე ცნობილია, “ბლაუგრანას” პორტუგალიელი მცველი, ნელსონ სემედუ, დიდი ალბათობით, კლუბს უახლოეს პერიოდში დატოვებს. 27 წლის დე შილიოს კი “ბარსელონაში” პორტუგალიელის ერთ-ერთ შემცვლელ კანდიდატად მოისაზრებენ. 

ესპანურ პრესაში გავრცელებული ინფორმაციის თანახმად, დე შილიოს ტრანსფერში “ბარსელონას” დაახლოებით 10 მილიონი ევროს გადახდა მოუწევს.