“ვალენსიას” ყოფილი მთავარი მწვრთნელი, ხუან ანტიონიო პიცი, რომელსაც ფეხბურთელის რანგში “ბარსელონას” რიგებშიც უთამაშია, მარტინ ბრეითუეიტზე საუბრობს. მის სიტყვებს Marca ციტირებს.
“რეალურად, მისთვის მხოლოდ ის არ შეცვლილა, რომ სეზონის მეორე ნახევარს სხვა გუნდში გაატარებს. მან, ასევე, შეიცვალა ქალაქი, გუნდელები და სათამაშო სტილი. ყოფილი გუნდი უმაღლეს ჩემპიონატში დარჩენისთვის იბრძოდა, სადაც დიდი თავისუფლება არ ეძლეოდა, ახლა კი იგი მსოფლიოს საუკეთესოთა გვერდით თამაშობს.
ადაპტაციის გავლას დრო სჭირდება, იგი კი ამას წარმატებით ახერხებს. როგორც წესი, არსებობს გარკვეული ვადები ფეხბურთელისთვის, რომელიც გუნდს სეზონის დაწყებამდე შეუერთდა, თუმცა ამ შემთხვევაში, ყველაფერი ძალიან სწრაფად მოხდა.
“ბარსელონას” იმ თამაშებში, რომელსაც თვალი მივადევნე, დავინახე, რომ იგი ენერგიულად და კარგი განწყობით თამაშობდა. ვფიქრობ, რომ ის გულშემატკივრის მხრიდან აღიარებას თანდათან მოიპოვებს” – განაცხადა პიციმ.
ხუან ანტონიო პიცი “კამპ ნოუზე” 1996-1998 წლებში ასპარეზობდა. მან 48 ჩატარებულ შეხვედრაში 11-ჯერ მოახერხა მეტოქის კარის აღება.
არაა ცუდი ფორვარდი , სისწრაფეც აქვს მყარად დგას და დაგეშილია კარზე პლიუს თავზეც კარგია.
იმედია დაიტოვებენ და არ გაყიდიან მშვენიერი იგროკია