“ბარსელონა” ექვსმა დირექტორმა დატოვა

“ბარსელონა” ექვსმა დირექტორმა დატოვა. გათავისუფლების შესახებ განცხადება შეიტანეს და კლუბსაც დაემშვიდობნენ. ბართომეუმ თავისი გაიტანა, “ბარსა” ემილი რუსომ, ენრიკე ტომბასმა, სილვიო ელიასმა და ჟოზეპ პონტიმ დატოვეს.

როგორც La Vanguardia ავრცელებს, მათ შეუერთდნენ მარია ტეიჩიდორი და ჟორდი კალსამილია. მათი გათავისუფლების შემდეგ, საბჭო 19 წევრიდან, 13-მდე შემცირდა. ექვსივე დირექტორმა, საერთო გამოსამშვიდობებელი წერილი გამოაქვეყნა.

“გვსურს გაუწყოთ, რომ “ბარსელონას” დატოვების შესახებ, პრეზიდენტს უკვე შევატყობინეთ. ჩვენ ამ დღემდე ისე მოვედით, რომ არ გვქონია შესაძლებლობა, კლუბში ვითარება შეგვეცვალა და პოსტპანდემიური გამოწვევისთვის ღირსეულად გვეპასუხა. ასევე ხაზი გვინდა გავუსვათ, ჩვენს იმედგაცრუებას, სოციალურ ქსელში აგორებული სკანდალის გამო, ჩვენ ამის შესახებ მხოლოდ პრესიდან შევიტყვეთ. ჩვენ ვითხოვთ, რომ აუდიტის სამსახურის დასკვნის საფუძველზე, ბართომეუს მხრიდან, აბსურდული ბრალდება მოგვეხსნას. უკანასკნელი რეკომენდაციის სახით, ხელმძღვანელობას ვურჩევთ, რომ როგორც კი სიტუაცია შეიცვლება, ჩაინიშნონ არჩევნების თარიღი, ვფიქრობთ უახლოეს მომავალში, ეს საუკეთესო გამოსავალი იქნება. 

და ბოლოს, გვსურს დიდი მადლობა გადავუხადოთ ჩვენს თანამშრომლებს, რომლებმაც ძალა და ენერგია არ დაიშურეს იმისათვის, რომ “ბარსელონას” საუკეთესო შედეგებისთვის მიეღწია.”

VISCA EL BARCA!

პატივისცემით,

ემილი რუსო პარესი, ენრიკე ტომბას ნავარო, მარია ტეიჩიდორ ჟუფრესა, სილვიო ელიას მარიმონი, ჟოზეპ პონტი ამენოსი, ჟორდი კალსამილია ბლანკაფორტი.