მთავარმა სატრანსფერო სამიზნემ “ბარსელონას” კარში გოლი გაიტანა [ვიდეო]

ანხელ როდრიგესი “ბარსელონასთან” მატჩში მოედანზე 52-ე წუთზე გავიდა, 14 წუთში კი კატალონიელთა კარის აღება მოახერხა. 

[media=https://www.youtube.com/watch?v=_4_0tGhbO20]

ანხელი “ხეტაფეს” რიგებში ერთ-ერთი, ან შეგვიძლია ვთქვათ, ყველაზე ეფექტური ფეხბურთელია. მიმდინარე სეზონში, ეს მისთვის უკვე მეათე გოლია, ამაზე მეტი კი მხოლოდ ლიონელ მესის, კარიმ ბენზემასა და ლუის სუარესს აქვთ. 

უსმან დემბელეს შეცვლის კანდიდატებს შორის, ანხელი “ბარსას” ფავორიტია. Marca-ს ცნობით, მისი გამოსასყიდი თანხა სულ 10 მილიონს შეადგენს, კატალონიელებს კი ეს აკმაყოფილებთ. 

იმისთვის, რომ თებერვალში ფეხბურთელი დაიმატოს, “ბარსელონამ” პროფესიონალური საფეხბურთო ლიგისგან (LFP) თანხმობა უნდა მიიღოს.