“ბარსელონამ” “ბეტისს” 15 მილიონი შესთავაზა

როდრიგო მორენოს საგის წარუმატებლად დასრულების შემდეგ, “ბარსელონამ” ყურადღება სხვა რამდენიმე ესპანელ ფორვარდზე გადაიტანა. 

ისეთი ფეხბურთელის პოვნა, რომლის კლუბის ფინანსური მოთხოვნების დაკმაყოფილება ადვილი იქნება, “ბარსას”, ჯერჯერობით უჭირს. თუმცა, Marca-ს ინფორმაციით, ახლახანს კატალონიელებმა ბედი სცადეს და ლორენ მორონის სანაცვლოდ “რეალ ბეტისს” 15 მილიონი ევრო შესთავაზეს. 

“ბეტისი” თანახმა არ არის – ლორენის გაშვების შემთხვევაში, მათ შემცვლელის შეძენის უფლება არ ექნებათ, გუნდში კი მის გარდა მხოლოდ ერთი თავდამსხმელია. 

ასე რომ, “ბარსელონას” მორონის დამატება მხოლოდ მაშინ შეეძლება, თუ მის გამოსასყიდ თანხას – 40 მილიონს გადაიხდის, რაც არარეალურია. 

თუ ლორენის ტრანსფერი ჩაიშლება, “ბარსას” პრიორიტეტი, დიდი ალბათობით, “ხეტაფეს” ფეხბურთელი ანხელი გახდება.