“ბილბაოს” მწვრთნელი: როგორ შეიძლება “ბარსა” კრიზისში იყოს, როცა მას მესი, გრიზმანი და რაკიტიჩი ჰყავს?

ბილბაოს “ატლეტიკის” მთავარმა მწვრთნელმა, გაისკა გარიტანომ “ბარსელონაში” არსებულ არეულობაზე ისაუბრა.

“ბარსელონას” კრიზისი? როგორ შეიძლება “ბარსელონა” კრიზისში იყოს, როცა მათ ისეთი მოთამაშეები ჰყავთ, როგორებიც ლიონელ მესი, ანტუან გრიზმანი და ივან რაკიტიჩი არიან? არ ვფიქრობ, რომ ეს სიტუაცია მათზე გავლენას მოახდენს.”

“ბარსელონა” ფავორიტია, რადგან მათ მსოფლიოს საუკეთესო მოთამაშეები ჰყავთ.”

“მათ ახალი მწვრთნელი ჰყავთ, ამიტომ არსებობს პატარა უზუსტობების ან შეცდომების დაშვების ალბათობა, თუმცა საბოლოოდ, ყველაფერს მოთამაშეები აკეთებენ.”

“ისეთი ფეხბურთელებით, როგორიც მათ ჰყავთ, “ბარსელონას” ყველა ტიტულისთვის ბრძოლა შეუძლია.”

“საშინაო სტადიონზე თამაში ჩვენთვის ძალიან მნიშვნელოვანია. “სან მამესის” ფაქტორი და ჩვენი ფანების მხარდაჭერა გუნდზე კარგად იმოქმედებს.” – ციტირებს გაისკა გარიტანოს სიტყვებს Marca.