ედერ სარაბია – კიკე სეტიენის გიჟი ასისტენტი

რამდენიმე დღის წინ, კიკე სეტიენი “ბარსელონას” ახალი მთავარი მწვრთნელი გახდა. მან კატალონიურ კლუბში თავისი ასისტენტი, ედერ სარაბიაც მოიყვანა.

As გვთავაზობს რამდენიმე საინტერესო ფაქტს ედერის შესახებ:

• სარაბია ემოციური ადამიანია. ის მოთამაშეებს კიკე სეტიენის დავალებებს აცნობს, როგორც ვარჯიშებზე, ასევე მატჩების მიმდინარეობისას.
• მისი ასეთი ემოციურობის გამო, ედერი მაღალი ინტენსივობის ვარჯიშების ჩატარებაზეა პასუხისმგებელი.
• სეტიენი და სარაბია ერთად 2015 წლიდან მუშაობენ (“ლას პალმასი” და “ბეტისი”).
• საინტერესოა ისიც, რომ კიკე და ედერის მამა, მანუ სარაბია “ლოგრონესში” ერთად თამაშობდნენ (1988-1991).
• სარაბია ლიონელ მესის ფანია.
• სხვა ცნობილი ადამიანებისგან განსხვავებით, ედერი პირადად მართავს თავის სოციალურ მედიას.
• სარაბიას, ისევე, როგორც “ბარსელონას” ყოფილ დამრიგებელს, ლუის ენრიკეს, უყვარს ველოსპორტი.

Se siguen cumpliendo los sueños. ¡¡Visca el Barça!! 💪🏽⚽️🔵🔴 pic.twitter.com/TrI9VVx7Ai

— Eder Sarabia (@edersa10) January 14, 2020

აქვე გავიხსენოთ გასული წლის სახალისო ამბავი, რომელიც სამეფო თასის ნახევარფინალში მოხდა (“ვალენსია” – “ბეტისი”). მატჩი “ღამურების” გამარჯვებით, 1:0 დასრულდა.

იხილეთ ვალენსიელთა განაწყენებული მარცხენა მცველის, ხოსე გაიას მატჩის შემდგომი კომენტარი, რომელიც Marca-მ გაავრცელა (01/03/2019): “ის მთელი მატჩის განმავლობაში მიყვიროდა და ეს პირველი შემთხვევა არ არის, როდესაც სარაბია ამას აკეთებს – ის პირველ მატჩშიც და გასულ სეზონშიც ამას აკეთებდა. მან პროფესიონალებს მშვიდად მუშაობის საშუალება უნდა მისცეს.”

გაიამ მატჩის მიმდინარეობისას კიკე სეტიენსაც კი უსაყვედურა: “წარმოუდგენელია, რომ მას ასე მოქცევის უფლებას აძლევ.”