“იუნაიტედი” და “ბარსელონა” ფრანგი ამომავალი ვარსკვლავისთვის იბრძოლებენ

17 წლის ნახევარმცველმა, ედუარდო კამავინგამ, მიმდინარე სეზონში “რენის” მაისურით ერთის გარდა ყველა მატჩში მიიღო მონაწილეობა და გუნდის გამორჩეულ წევრად უკვე იქცა. 

პრესის ცნობით, ახალგაზრდა ფეხბურთელით არაერთი ევროპული კლუბია დაინტერესებული, მაგრამ მისი შეძენის რეალური შანსი “მანჩესტერ იუნაიტედსა” და “ბარსელონას” აქვთ. 

“იუნაიტედი” კამავინგას პოლ პოგბას შემცვლელად განიხილავს, “ბარსას” სატრანსფერო პოლიტიკა კი შედარებით რთული გასაგებია. 

როგორც მოსალოდნელია, ედუარდოს ტრანსფერის ღირებულება 30 მილიონი ევრო იქნება და ის “რენს” მომდევნო ზაფხულში, ან იანვარშივე დატოვებს.