“ხეტაფეს” ალენიას იჯარით აყვანა სურს

კარლეს ალენიას 6-თვიან იჯარაზე, “ბარსელონა”, დიდი ალბათობით, თანახმა იქნება – 21 წლის ფეხბურთელი კატალონიურ გუნდში სათამაშო დროს ვერ იღებს და ეს მისი განვითარებისთვის ცუდია. 

Marca-ს ინფორმაციით, ამის გამოყენება “ხეტაფეს” სურს. მადრიდული კლუბი ალენიას გადაბირებას ეცდება, მიუხედავად იმისა, რომ გუნდში მის პოზიციაზე ისედაც დიდი კონკურენციაა. 

ალენიამ მიმდინარე სეზონში მხოლოდ ერთხელ, ლა ლიგის პირველ ტურში (0-1 “ბილბაოსთან”) ითამაშა. 

მისი დამატება “ტოტენჰემს” და “სელტასაც” სურთ.