გამანადგურებელი სხვაობა “სევილიასთან” – “ბარსელონა” ლიდერს უახლოვდება

“ბარსელონა” თამაშშია – კატალონიელებმა “სევილიასთან” მნიშვნელოვანი სამი ქულა აიღეს და ჩემპიონატის ლიდერ მადრიდის “რეალთან” სხვაობა ორ ქულამდე შეამცირეს. 

შეხვედრაში, რომელიც 4-0 დასრულდა, გატანა ლუის სუარესმა (27′), არტურო ვიდალმა (32′), უსმანდ დემბელემ (35′) და ლეო მესიმ (78′) მოახერხეს. მატჩის მიწურულს, დემბელემ და დებიუტანტმა რონალდ არაუხომ მსაჯისგან წითელი ბარათი დაიმსახურეს. 

8 ტურის შემდეგ, სატურნირო ცხრილს “რეალი” 18 ქულით ლიდერობს, “ბარსელონას” კი 16 ქულა აქვს. მესამე ადგილზე 15 ქულით “ატლეტიკოა”. ერნესტო ვალვერდეს გუნდი ლა ლიგის მომდევნო მატჩს სტუმრად, “ეიბარის” წინააღმდეგ გამართავს.