ფრენკ იდე იონგი: საშინაო დავალებებს მანქანაში ვაკეთებდი

“ბარსელონას” ჰოლანდიელი ნახევარმცველი ფრენკი დე იონგი, El Periodico-სთან საუბრისას, თავის ბავშვობაზე საუბრობს.

კითხვაზე, რომელია მისი პირველი საფეხბურთო მოგონება, დე იონგმა 18 წლის წინანდელი პერიოდი გაიხსენა: “დრო, როდესაც ფეხბურთს მეტნაკლებად სერიოზულად მოვეკიდე, ჩემი პირველი თანაგუნდელები, როდესაც 4 ან 4.5 წლის ვიყავი. ჩემი მშობლიური გუნდი არკელში იყო, სადაც დავიბადე. ეს პატარა დასახლებაა, მაგრამ ძალიან კარგი გუნდი ჰყავს 3 მოედნით.”

3 წლის შემდეგ დე იონგი “ვილემ II”-ს შეუერთდა: “ამ კლუბიდან დამიკავშირდნენ და მათ საფეხბურთო აკადემიაში გადასვლა შემომთავაზეს. როდესაც ტესტებზე დამიბარეს, ძალიან გახარებული ვიყავი. იმ დროს უკვე მინდოდა, რომ პროფესიონალი ფეხბურთელი გამოვსულიყავი.

ერთი თვით ადრე სხვა გუნდში მიმიწვიეს, მაგრამ მშობლებს ჩემი გაშვება არ უნდოდათ. ისინი ამბობდნენ, რომ 6 წელი ამისთვის ძალიან პატარა ასაკი იყო და შინ უნდა დავრჩენილიყავი. მაგრამ როდესაც “ვილემ II”-ს შემოთავაზება მივიღებთ, ამ შანსის გამოყენება ძალიან მინდოდა და ისინიც დამთანხმდნენ.”

ახალი კლუბის ბაზა ტილბურგში მდებარეობდა და ფრენკის ვინმე უფროსი სჭირდებოდა, ვინც ვარჯიშებზე ატარებდა: “დიახ, რა თქმა უნდა. სხვანაირად ეს არც მოხდებოდა. პირველი წლის განმავლობაში ბაბუა დამყვებოდა, შემდეგ კი კლუბის წარმომადგენელი. 40 წუთის განმავლობაში ავტომობილით უნდა მემგზავრა და საშინაო დავალებებს მანქანაში ვაკეთებდი.”