“ბარსელონა” ხელფასების შემცირებას გეგმავს

ბოლო პრესკონფერენციაზე, კლუბის აღმასრულებელმა დირექტორმა, ოსკარ გრაუმ 2019/2020 წლების სეზონის ბიუჯეტი წარადგინა და თქვა, რომ ხელფასების შემცირება დიდი გამოწვევაა. ამ საკითხთან დაკავშირებით AS-ის კვლევა შემდეგნაირად გამოიყურება:

როგორია ამჟამინდელი მდგომარეობა?

• კლუბი ხელფასებზე 671 მილიონ ევროს ხარჯავს, რაც მთელი ბიუჯეტის 68%-ს შეადგენს.
• “ბარსას” საფეხბურთო გუნდი ხარჯების 61%-ზეა პასუხისმგებელი, დანარჩენი ნაწილი სხვა სპორტულ სახეობებში მიდის, როგორებიცაა მაგალითად: კალათბურთი, ფუტზალი და ა.შ.

როგორ მოხდა ეს ყველაფერი?

ხელფასები გაიზარდა 2017 წლის შემდეგ, როცა “ბარსამ” ისეთი ვარსკვლავები იყიდა, როგორებიც არიან: დემბელე, კოუტინიო, გრიზმანი და მათ დიდი ხელფასები შესთავაზა.

რაში მდგომარეობს გეგმა?

• კატალონიელებს სურთ ხელფასები 18 მილიონი ევროთი შეამცირონ.
• ეს სახელფასო ხარჯებს 68%-დან 61%-მდე შეამცირებს, ფეხბურთის დეპარტამენტის ხარჯი კი 53%-მე შემცირდება.
• ფილიპე კოუტინიოს მიუნხენის “ბაიერნში” წასვლამ ხარჯები მნიშვნელოვნად უკვე შეამცირა.