“ბარსელონა” ანტუან გრიზმანის გამოსასყიდი თანხის გადახდას ამ კვირაში აპირებდა, მაგრამ კლუბს ფინანსური პრობლემები შეექმნა, იტყობინება AS.
საქმე იმაზე რთული აღმოჩნდა, ვიდრე კატალონიელებს ეგონათ. გეგმის მიხედვით, კლუბს გრიზმანის გამოსასყიდი თანხა ამ კვირაში უნდა გადაეხადა, ხოლო პრეზენტაცია 12 ივლისისთვის იყო დაგეგმილი, რათა ფრანგს 14 ივლისს ახალ თანაგუნდელებთან ერთად ევარჯიშა.
თუმცა, წყაროს ცნობით, “ბარსელონა” ვერ ახერხებს ბანკებთან მოლაპარაკებას, რომლებიც კლუბს 120 მილიონ ევროს მისცემენ, ამიტომ მოსალოდნელია, რომ გრიზმანის გამოსყიდვა პარასკევამდე გადაიდოს. სწორედ ამ მიზეზს გამო ცდილობდა “ბარსელონა” “ატლეტიკოსთან” მოლაპარაკებების წარმოებას, რათა თანხა ნაწილ-ნაწილ გადაეხადათ.
წყაროს ინფორმაციით, “ბარსელონაში” მცირე ფინანსურ კრიზისს ისიც ადასტურებს, რომ კლუბის თანამშრომლებმა ივნისის თვის ხელფასი სამი დღის დაგვიანებით მიიღეს.
ბართოს მე მგონი დიდი ხანია ბარსელონას ჰაერი აღარ უხდება, უკვე მაგრად "აციებს და აკანკალებს"!
გავუშვათ "თბილ ქვეყნებში"!!!