ერნესტო ვალვერდე: “ბარსელონა” ან ტრებლს მოიგებს, ან არაფერს

ერნესტო ვალვერდემ იცის, რომ თუ “ბლაუგრანა” “ალავესს” დაამარცხებს და “ვალენსია” – “ატლეტიკოს”, მისი გუნდი პრიმერა დივიზიონის ჩემპიონი გახდება. თუმცა, “ბარსელონას” თავკაცს არ სურს მოვლენებს გაუსწროს და ნაადრევად იზეიმოს. მისთვის ჯერ კიდევ არაფერი დასრულებულა.

“ლა ლიგის მოგება ძალიან მნიშვნელოვანია. თუ ყველაფერი იდეალურად წარიმართა, ჩვენ შუა კვირაში ჩემპიონობის მოპოვება შეგვიძლია, მაგრამ ეს მარტივი არ იქნება. “ალავესი” ევროპის ლიგის საგზურისთვის იბრძვის, ამიტომ იოლ თამაშს არ მოველით. ვიმედოვნებ, რომ გასული წლის მსგავად, ამჯერადაც კომფორტულ უპირატესობას გამოვიყენებთ და ჩემპიონები გავხდებით.” – განაცხადა ვალვერდემ პრესკონფერენციაზე

საუბარი ჩემპიონთა ლიგასაც შეეხო: “ჩვენ ძალიან ბევრი შეხვედრა ჩავატარეთ მიმდინარე პერიოდში, ინტენსიურად ვვარჯიშობდით, ამიტომ შესაძლებელია გარკვეული ცვლილებები შემადგენლობაში. სეზონის ამ ეტაპზე შესანიშნავ ფორმაში ვართ. როდესაც ბევრ მატჩს თამაშობ, ყოველთვის ცდილობ საიდანღაც ენერგია იპოვო. ფეხბურთელებმა ეს შესანიშნავად გააკეთეს. ჩვენ რამდენიმე მნიშვნელოვან მატჩში თამაშში დაბრუნება შევძელით, წარმატებით გადავლახეთ ჩემპიონთა ლიგი 1/4 ფინალური ეტაპი. ეს კი აჩვენებს, რომ გუნდი მენტალურად მზადაა.” – განუცხადა ვალვერდემ პრესას.