“ბარსელონა”-“ატლეტიკოს” მსაჯი ცნობილია

ახლახანს ცნობილი გახდა, რომ ესპანეთის ჩემპიონატის 31-ე ტურში “ბარსელონასა” და “ატლეტიკოს” შორის გასამართი მატჩის მთავარი მსაჯი 35 წლის ხესუს ხილ მანსანო იქნება.

მანსანოს “ბარსელონას” მატჩში მონაწილეობა 21-ჯერ მიუღია. კატალონიელებმა 13 მოიგეს (62%), 5 ფრედ ითამაშეს (24%) და 3 წააგეს (14%), გაიტანეს 56 და გაუშვეს 18 გოლი. ამ 21 შეხვედრაში “ბლაუგრანას” ფეხბურთელებმა 48 ყვითელი იდა 5 წითელი ბარათი მიიღეს.

“ატლეტიკომ”, მანსანოს მსაჯობით ჩატარებული 18 თამაშიდან 10 მოიგო (56%), 5 ფრედ დაასრულა (28%) და 3 წააგო (16%), გაიტანა 22 და გაუშვა 11 გოლი. მადრიდელებმა 54 ყვითელი და 3 წითელი ბარათი მიიღეს.

უშუალოდ “ბარსელონასა” და “ატლეტიკოს” შორის მანსანოს მსაჯობით გამართული 4 დაპირისპირებიდან 2 კატალონიელებმა მოიგეს, 2 კი ფრედ დასრულდა. ამ 4 მატჩში მანსანომ “ბარსას” 2, ხოლო “ატლეტიკოს” 3 ფეხბურთელი გაუძევა.

ლა ლიგის ლიდერი “ბარსელონა” მე-2 ადგილზე მყოფ “ატლეტიკოს” 6 აპრილს დაუპირისპირდება.