ჟორდი ალბა: პრესაში ჩვენს მარცხს უფრო დიდი ყურადღება ეთმობა, ვიდრე გამარჯვებებს

“ბარსელონას” მარცხენა მცველი ჟორდი ალბა უკმაყოფილოა იმით, რომ პრესაში კატალონიელების ცუდ მატჩებზე უფრო მეტი იწერება, ვიდრე ეს “ბარსელონას” წარმატებული თამაშების შემდეგ ხდება.

“ესპანეთში ყველა ვერ აფასებს “ბარსელონას” მიღწევებს. ზოგჯერ, ჩვენს ცუდად ჩატარებულ თამაშებზე ბევრს წერენ. როცა საქმე კარგად არ მიდის, ყველა ამაზე საუბრობს, მაგრამ კარგი მატჩების შემდეგ ასე არ ხდება. ეს მხოლოდ ჩემი აზრია. არ მაღელვებს რა იწერება პრესაში, მაგრამ ამ თემაზე საუბარი აუცილებელია იმიტომ, რომ ჩვენ ბევრს მივაღწიეთ და უფრო მეტ აღიარებას ვიმსახურებთ, არა მხოლოდ ამ სეზონში, არამედ გასული წლების განმავლობაში.” – განაცხადა ჟორდი ალბამ.

შეგახსენებთ, რომ “ბარსელონას” შანსი აქვს ბოლო 5 წლის განმავლობაში, ლა ლიგის მე-4 ტიტული მოიგოს. კატალონიელები ასევე ჩემპიონთა ლიგის მოგებას უმიზნებენ. მათ ეს ტიტული ბოლოს 2015 წელს მოიგეს.