იტალიური გაზეთის, La Gazzetta Dello Sport–ის ცნობით, კატალონიის “ბარსელონას” მთავარი მწვრთნელის, ხოსეპ გვარდიოლას და “ბრეშას” პრეზიდენტის, ჯინო კორიონის ვახშმობისას, იტალიელმა ესპანელს ჰკითხა: “თუ მე შენ შემოგთავაზებ “ბრეშას” მწვრთნელობას, ეს რამდენი დამიჯდება?” ამაზე პეპმა ირონიულად უპასუხა: “თუ იტალიაში ავღმოვჩნდები, მაშინ იქ მხოლოდ თქვენს გუნდს გავწვრთნი და ეს არაფერი არ დაგიჯდებათ, რადგან მზად ვარ უფასოდ მოვამზადო ფეხბურთელები.”
უნდა აღინიშნოს, რომ გვარდიოლას უყვარს “ბრეშა”. მან მისი კარიერის დასკვნითი ეტაპი სწორედ ამ კლუბში გაატარა. “ბარსას” მწვრთნელი იტალიელთა ღირსებას თითქმის ორი წელიწადი იცავდა.
აღსანიშნავია, რომ “ბრეშამ” ეს სეზონი ძალიან ცუდად დაიწყო და ჩემპიონატში ბოლოს წინა, მე–19 ადგილს იკავებს. ასე და ამგვარად მათ “სერია ბ”–ში გადასვლა ემუქრებათ.
