„რეალმა“ „კლასიკოს“ წინ შესანიშნავი განწყობა შეიქმნა

“ბარსელონასა” და “ატლეტიკოსგან” განსხვავებით, “რეალისთვის” 22-ე ტური წარმატებით დასრულდა. სანტიაგო სოლარის კოლექტივმა “ალავესი” 3:0 დაამარცხა.

კარიმ ბენზემას, ვინისიუს ჯუნიორისა და მარიანო დიასის გოლების წყალობით “სამეფო კლუბმა” სატურნირო ცხრილის ლიდერთან სხვაობა 7-ქულამდე შეამცირა.

მადრიდელებმა “კლასიკოსთვის” შესანიშნავი განწყობა შეიქმნეს. “ბარსელონა” და “რეალი” კოპა დელ რეის პირველ ნახევარფინალურ მატჩს 6 თებერვალს, “კამპ ნოუზე” გამართავენ. შეხვედრაში ლიონელ მესისა და უსმან დემბელეს მონაწილეობა კითხვის ნიშნის ქვეშ დგას.

შეგახსენებთ, რომ “ბლაუგრანამ” საკუთარ მოედანზე “ვალენსიას” ვერ მოუგო (2:2), ხოლო “ატლეტიკო” სტუმრად “ბეტისთან” დამარცხდა (0:1).