“ბარსელონას” სტრატეგიულ გეგმაში შედის კლუბის და ზოგადად ფეხბურთის პოპულარიზაცია იმ ქვეყნებში, რომელსაც ძალიან დიდი ადამიანური რესურსი აქვს, თუმცა მსოფლიოს უდიდესი ნაწილისთვის N1 სპორტის სახეობა ნაკლებადაა გავრცელებული.
აქამდე, კატალონიელები აქცენტს აშშ-ზე აკეთებდნენ, ახლა კი მთავარი სამიზნე ინდოეთი გახდა. ქალაქ კალკუტაში “ბარსას” ყოფილი ფეხბურთელი, ხავიერ სავიოლა სხვა ლეგენდებთან ერთად ადგილობრივ გუნდთან თამაშის ჩასატარებლად (6-0) იმყოფებოდა და კომენტარი ფეხბურთის განვითარებაში “ბლაუგრანას” როლზეც გააკეთა.
“ინდოელი ერი ყოველთვის სპორტის მოყვარული იყო, ბოლო წლებში კი, ქვეყანაში ფეხბურთი უფრო პოპულარული ხდება. აქ გახსნილ “ბარსელონას” აკადემიებში, ისევე როგორც გუნდის ყველა სხვა სკოლაში, სწავლება განსაკუთრებული მეთოდებით მიმდინარეობს, ამის დახმარებით კი, ინდოეთს აქვს პოტენციალი, ერთ-ერთი წამყვანი საფეხბურთო სახელმწიფო გახდეს”.
სავიოლა დელის კატალონიურ აკადემიასაც ეწვია. მისი ვიზიტის დროს, საფუძველი ახალგაზრდულ ტურნირსაც ჩაეყარა, რომლის საშუალებით ბავშვები, რომლებიც ქუჩაში იზრდებიან, დროს ორგანიზებულ აქტივობებს დაუთმობენ.




რა კაი იქნება თბილისშიც რომ გახსნან
კარგია