“ბარსელონამ” და “ბეტისმა” რაფინიას იჯარა შეათანხმეს

“ბარსელონას” ნახევარმცველი, რაფინია ალკანტარა კარიერას “ბეტისში” გააგრძელებს.

კლუბებმა გარკვეული დროის განმავლობაში შეთანხმებას ვერ მიაღწიეს, რადგან კატალონიელებს სრულფასოვანი ტრანსფერი ან გამოსყიდვის ვალდებულებიანი იჯარა სურდათ, როდესაც სევილიურ გუნდს უბრალოდ ერთწლიანი იჯარა უნდოდა.

Sport-ის ინფორმაციით, საბოლოო ჯამში, მხარეები შეთანხმებამდე მივიდნენ. “ბეტისი” 25 წლის ბრაზილიელს იჯარით აიყვანს და 1,5 მილიონ ევროს გადაიხდის.

ასევე “ბეტისი” საკუთარ თავზე აიღებს რაფინიას ხელფასზე ყველა ვალდებულებას.