როგორც იცით, დღეს “ბარსელონამ” კონტრაქტი ახალგაზრდა ნახევარმცველთან, ორიოლ ბუსკეტსთან გაახანგრძლივა. 19 წლის ფეხბურთელის გამოსასყიდი თანხა 200 მილიონ ევროს შეადგენს. საინტერესოა, რომ ეს კლუბის რამდენიმე საკვანძო ფეხბურთელის ფასზე მეტია: ეს მოთამაშეები მარკ ტერ შტეგენი (180 მილიონი), ჟორდი ალბა (150 მლნ) და ივან რაკიტიჩი (120 მლნ) არიან.
კატალონიელები ცდილობენ, დიდი მომავლის მქონე ფეხბურთელებთან გაფორმებულ ახალ ხელშეკრულებებში რაც შეიძლება დიდი რაოდენობის გამოსასყიდი თანხა მიუთითონ. თანაც, ბუსკეტსის ეს კონტრაქტი ძალაში 2021 წლამდე იქნება (2 წლის დამატების შესაძლებლობით), ამ დროისთვის კი ის დიდი ალბათობით, გუნდის მნიშვნელოვანი წევრი იქნება და მისი შეძენის სურვილი ბევრ გრანდს ექნება.
ორიოლ ბუსკეტსი “ბარსელონას” აკადემიის წევრი 2007 წლიდანაა. გასული სეზონი მან “ბარსა ბ”-ში გაატარა, კარგი შთაბეჭდილება დატოვა და ძირითადი გუნდის შემადგენლობაში დებიუტიც ჰქონდა, მაგრამ შემდეგ ტრავმა მიიღო და სეზონის მეორე ნახევარი მთლიანად გაუცდა.
საუკეთესო აკადემია მომავალი ვარსკვლავებით.
ორიოლი,ალენია და არნაისი დასაწინაირებლები არიან
ბუსკეს შენცვლელი ისევ ბუსკე იქნება