“ვისელ კობე” ინიესტას წარდგენას შაბათს აპირებს

Marca-ს ინფორმაციით, “ბარსელონას” და “ვისელ კობეს” შორის მოლაპარაკებები წარმატებით მიმდინარეობს და იაპონური კლუბი ანდრეს ინიესტას წარდგენას შაბათს აპირებს. 

შეთანხმების მიღწევაში დიდ როლს ჰიროში მიკიტანი თამაშობს, რომელიც “კობეს” შეფი და “ბარსას” მთავარი სპონსორის, Rakuten-ის მფლობელია. 

სავარაუდოდ, ინიესტა იაპონიაში ხუთშაბათს გაემგზავრება, კონტრაქტს გააფორმებს და რამდენიმე დღეში ესპანეთის ნაკრებს შეუერთდება.