დი ფრანჩესკო “ბარსელონასთან” 3:0 მოგებას აპირებს

“რომას” მთავარი მწვრთნელი ეუსებიო დი ფრანჩესკო აცხადებს, რომ მისი გუნდი ხვალ, “ბარსელონასთან”, “ჩელსის” შედეგის გამეორებას, 3:0 მოგებას და მომდევნო ეტაპზე გასვლას აპირებს.

“ბარსელონას” წინააღმდეგ უძლიერესი შემადგენლობით ვითამაშებთ. დერბიზე ფიქრი ჯერ ადრეა. მაქსიმალურად უნდა დავიხარჯოთ და რწმენა საფინალო სასტვენამდე არ დავკარგოთ. ვალდებულები ვართ ბოლომდე დავიხარჯოთ.

ნაინგოლანს დიდ გუნდში თამაში შეუძლია, მაგრამ მან ეს ხვალ უნდა დაამტკიცოს. ასეთ შანსს ის მას შემდეგ ელის, როდესაც ჯერ კიდევ ბავშვი იყო. მას დიდი პოტენციალი აქვს და იდეალური შესაძლებლობა ეძლევა. ასეთ შანსს ის ორივე ხელით უნდა ჩაეჭიდოს.

მოდით, ნუ დავივიწყებთ, რომ “ბარსელონა” ერთ და ორ კვირაში არ შექმნილა. ამას წლები დასჭრდა. მიმაჩნია, რომ სწორედ ამაშია ამ გუნდის მთავარი ძალა.

მე არავინ ვარ, უბრალოდ ამ გუნდის ნაწილი. ვცდილობ, ჩემი იდეები სხვებს გადავცე. რა თქმა უნდა, ჩვენ ყველანი ვცდებით, მაგრამ შეცდომების რაოდენობა მინიმუმამდე უნდა შევამცირო.

საკუთარი ძალების უნდა ვირწმუნოთ. შესაძლოა, მოტივაცია “ჩელსისთან” გამართული შეხვედრა იყოს, რომელიც 3:0 მოვიგეთ და ეს შედეგი ხვალ ხელს გვაძლევს. შევეცდებით, ასეთივე თამაში ჩავატაროთ.” – ციტირებს დი ფრანჩესკოს სიტყვებს UEFA-ს ოფიციალური ვებგვერდი.