სანაკრებო პაუზა დასრულდა და მალე “ბარსელონას” ფეხბურთელები, რომლებიც თავიანთ ეროვნულ ნაკრებებთან ერთად სხვადასხვა ქვეყნებში იმყოფებოდნენ, კლუბში დაბრუნდებიან. ამის შემდეგ სეზონის გადამწყვეტი ნაწილი იწყება. “ბარსას” ლა ლიგაში, რომელშიც ტიტულისთვის ბრძოლაში მთავარ კონკურენტ “ატლეტიკოსთან” 11 ქულა აშორებს, 9 შეხვედრა აქვს ჩასატარებელი. ასევე, კოპა დელ რეის ფინალი და ჩემპიონთა ლიგის დარჩენილი მატჩები.
პირველ თამაშს გუნდი 31 მარტს “სევილიას” წინააღმდეგ, “რამონ სანჩეს პისხუანზე” გამართავს. შემდეგ იქნება ჩემპიონთა ლიგის მატჩები “რომასთან”, ამ ორ დაპირისპირებას შორის კი თამაში “ლეგანესთან”, “კამპ ნოუზე”. აპრილში პრიმერა დივიზიონის ეგიდით გუნდს კიდევ ოთხი შეხვედრა აქვს ჩასატარებელი: “ვალენსიასთან”, “სელტასთან”, “ვილიარეალთან” და “დეპორტივოსთან”. სწორედ ამ თვეში შეეძლება ერნესტო ვალვერდეს სეზონში პირველი ტიტულის მოგება – 21 აპრილს, “ბარსა” “სევილიას” წინააღმდეგ მადრიდში, “ვანდა მეტროპოლიტანოზე” ითამაშებს.
მაისში კატალონიელებს 3 მატჩი ელით, მათ შორის “ელ კლასიკო”, საშინაო მოედანზე. თუ ყველაფერი გეგმის მიხედვით განვითარდა, წესით, “ბარსელონას” ამ დროისთვის ესპანეთის ჩემპიონობა განაღდებული უნდა ჰქონდეს, მაგრამ “რეალის” წინააღმდეგ თამაშს ნებისმიერ სიტუაციაში განსაკუთრებული დატვირთვა აქვს და უმნიშვნელო არასოდესაა. შემდეგ იქნება დაპირისპირება “ლევანტესთან”, 2017/18 წლის ლა ლიგას კი კლუბი “კამპ ნოუზე”, “რეალ სოსიედადთან” თამაშით დახურავს.
რაც შეეხება დანარჩენ კლუბებს, რომელთაც ჩემპიონობის შანსი თეორიულად მაინც აქვთ, განსაკუთრებით მნიშვნელოვანი შეხვედრა მადრიდული დერბი იქნება: “ატლეტიკო” “რეალს” “სანტიაგო ბერნაბეუზე” 8 აპრილს ესტუმრება და თუ ქულებს დაკარგავს, რისი დიდი შანსიც არსებობს, ჩემპიონის ვინაობა პრაქტიკულად გაირკვევა.

ამ შეხვედრებს კიდევ რამდენიმე (მაქსიმუმ 3) დაემატება, თუ “ბარსა” “რომას” ბარიერს გადალახავს. ჩემპიონთა ლიგის ნახევარფინალის მატჩები აპრილის ბოლოს და მაისის დასაწყისში გაიმართება, ფინალი კი 26 მაისს, კიევში.




Am saitze komentarebshi upro met aiaxles gaigeb vidre statiebit
Ra pontia yvelgan ro gaichiteba siaxle aq meore dges devs
ბარსას დევიზია: "ეშმაკსაც ვუგულშემატკივრებ, ოღონდ არა რეალს".
იმედია
მარტო მე ვარ ისეთი ვისაც ჩ.ლოგის მოგება ეეჭვება?
ლა ლიგაში ბალიდოსზე გვიგებს სელტა და იქნებ ამ წელს მოვუგოთ
არაა საჭირო ბალეშიკობა. ისედაც გაასხავს ატლეტიკო
ჩემპიონები ვართ არა მგონია ატლემ ყველა მატჩი მოიგოს
რეალს რატო უნდა ვუგულშემატკივროთ ვერ ვხვდები. დაუხოციათ ერთმანეთი. თუ რაღაც სასწაული არ მოხდა ჩვენ მაინც ჩემპიონები გავხდებით გინდ რეალმა მოიგოს გინდს ატლეტიკომ
კულეებოო.8 – ში ყველა ერთად ვბალეშიკობთ რეალს…

აუუუ იტოკში წელს უკვე მეორედ უნდა ვუგულშემატკივრო რეალს?
აბა დერბიში უეჭველი რეალის მოგება გვაწყობს
ეჰ რა დრო მოვიდა 