მესის 600 გოლი ციფრებში

ესპანეთის ჩემპიონატის გასული ტური, “ბარსელონასთვის” და ლეო მესისთვის, განსაკუთრებული გამოდგა – კატალონიურმა გუნდმა მდევარ “ატლეტიკოს” სძლია და ჩემპიონობა თითქმის გაინაღდა, მესიმ კი, კარიერიაში მე-600 გოლი გაიტანა.

კლუბი და ნაკრები

კლუბსა და ნაკრებში სულ ჩატარებულ 747 ოფიციალურ მატჩში ლეომ 600 გოლი გაიტანა – საშუალოდ 0.803 გოლი მატჩში.

600 გოლიდან 539, ანუ 89.8% “ბარსელონაზე” მოდის. ეს 539 გოლი მესიმ 624 თამაშში გაიტანა – საშუალოდ 0.86 გოლი მატჩში.

61 გოლი (10.2%) არგენტინის ნაკრების მაისურით ჩატარებულ 123 შეხვედრაზე მოდის – საშუალოდ 0.496 გოლი თამაშში.

ტურნირები

373 გოლი, ანუ 62.2% ლეომ ესპანეთის ჩემპიონატზე გაიტანა. ის ამ ტურნირის ისტორიაში საუკეთესო ბომბარდირია.

98 გოლი (16.3%) ჩემპიონთა ლიგაზე მოდის. ამ ტურნირზე მესი მხოლოდ კრიშტიანუ რონალდუს ჩამორჩება.

ესპანეთის თასზე გატანილი 47 გოლით (7.8%), ტურნირის ბომბარდირებს შორის, არგენტინელი ვარსკვლავი მხოლოდ მე-10 ადგილზეა. 81 გოლით რეკორდსმენი ტელმო სარააა.

27 გოლი (4.5%) მესიმ არგენტინის ნაკრების ამხანაგურ მატჩებში გაიტანა.

21 გოლი (3.5%) – მსოფლიო ჩემპიონატის საკვალიფიკაციო ეტაპზე.

13 გოლი (2.2%) ესპანეთის სუპერ თასზე.

8 გოლი (1.3%) – კოპა ამერიკაზე.

5 გოლი (0.85%) – მსოფლიოს საკლუბო ჩემპიონატზე.

5 გოლი (0.85%) – მსოფლიო ჩემპიონატზე.

3 გოლი (0.5%) – უეფა-ს სუპერ თასზე.

სხეულის ნაწილები

ლიონელ მესის გოლებიდან 496, ანუ 82.7%, მარცხენა ფეხზე მოდის.

78 გოლი (13%) მან მარჯვენა ფეხით გაიტანა.

24 გოლი (4%) – თავით.

2 გოლი კი (2%) სხეულის სხვა ნაწილით – ერთი მკერდით და ერთიც ხელით.

სტანდარტული მდგომარეობები

მესიმ მეტოქეთა კარი თერთმეტმეტრიანის ნიშნულიდან 77-ჯერ (12.8%) აიღო.

39 გოლი (6.5%) საჯარიმო დარტყმის შემდეგ გავიდა. ეს ის მაჩვენებელია, რომელსაც არგენტინელი უფრო და უფრო უმატებს. თავისი მე-600 გოლი ლეომ სწორედ ჯარიმით გაიტანა.

საერთო ჯამში, სტანდარტებით, მესიმ გოლების თითქმის 20% გაიტანა.

მოედნის ნაწილი

496 გოლი (82.7%) მეტოქის საჯარიმოდან დარტყმით გავიდა.

ლეო მესი შორიდან ძლიერი გასროლებით არ გამოირჩევა, მაგრამ საჯარიმოს გარედან მის მიერ გატანილი გოლების რაოდენობა მაინც შთამბეჭდავია – 104 (17.3%).

მეტოქეები

გატანილი 600 გოლი 89 მეტოქეზეა განაწილებული. ლეომ თავი მსოფლიოს 97 სტადიონზე გამოიჩინა.

მესის ფავორიტი მეტოქეები:

1. სევილია – 29 გოლი
2. ატლეტიკო – 28 გოლი
3. რეალი – 25 გოლი
4. ვალენსია – 24 გოლი
5. ბილბაო – 23 გოლი
6. ოსასუნა – 23 გოლი
7. ესპანიოლი – 21 გოლი
8. ბეტისი – 18 გოლი
9. ხეტაფე – 18 გოლი
10. დეპორტივო – 17 გოლი

ჩემპიონთა ლიგაზე მესის საყვარელი მეტოქეები “არსენალი” (9 გოლი), “სელტიკი” (8 გოლი) და “მილანი” (8 გოლი) არიან.

ეროვნულ ნაკრებებს შორის მესი ყველაზე მეტად ბრაზილიას, ურუგვაის, პარაგვაის, ვენესუელასა და ეკვადორს ერჩის – ამ გუნდების კარში მას 4-4 გოლი აქვს გატანილი.