ბარსელონა-ხეტაფე – პრევიუ

დღეს, თბილისის დროით 19 საათსა და 45 წუთზე, “ბარსელონა” “ხეტაფეს” დაუპირისპირდება. წარმოგიდგენთ შეხვედრის სტატისტიკურ პრევიუს.

სავარაუდო შემადგენლობები:

დანაკლისი:

“ბარსელონა” – ანდრე გომეში, ტომას ვერმალენი, სამუელ უმტიტი (დისკვალიფიკაცია), უსმან დემბელე (საეჭვო).

“ხეტაფე” – მარკელ ბერგარა

გუნდების სიახლეები:

– “ესპანიოლთან” მიღებული დაზიანების მიუხედავად, ჟერარ პიკე “ბარსას” ძირითად შემადგენლობაში მაინც ხვდება;

– უმტიტის და ვერმალენის არყოფნის გამო, ცენტრალურ დაცვაში პიკეს მეწყვილე იერი მინა იქნება, რომელსაც ლა ლიგაში ჯერ არ უთამაშია;

– “ხეტაფეს” დაუბრუნდა დამიენ სუარესი, რომელიც გარკვეული პერიოდის განმავლობაში ტრავმირებული იყო;

– მადრიდული კლუბის შემადგენლობაში, შესაძლოა, მატიე ფლამინის დებიუტი შედგეს, რომელიც გუნდმა თავისუფალი აგენტის სტატუსით დაიმატა და რომელსაც “კამპ ნოუზე” თამაშის საკმაოდ დიდი გამოცდილება აქვს.

ურთიერთშეხვედრები:

ბოლო 4 წლის განმავლობაში “ბარსელონა” “ხეტაფეს” 6-ჯერ დაუპირისპირდა და მეტოქე 4-ჯერ დაამარცხა, 2 შემთხვევაში კი ფრე დაფიქსირდა. გასულ სეზონში ამ გუნდების შეხვედრა არ შემდგარა, რადგან “ხეტაფე” სეგუნდა დივიზიონში იყო დაქვეითებული.

მდგომარეობა სატურნირო ცხრილში:

22 ტურის შემდეგ “ბარსა” 58 ქულით პირველ ადგილს იკავებს და უახლოეს მდევარს, მადრიდის “ატლეტიკოს”, რომელმაც ამ ტურში უკვე ითამაშა, 6 ქულით უსწრებს. რაც შეეხება “ხეტაფეს”, ეს გუნდი 29 ქულით მე-11 პოზიციაზეა.