“ბარსელონას” საულ ნიგესის შეძენა 3 დღით დააგვიანდა

მადრიდის “ატლეტიკოს” შეფი, მიგელ ანხელ ხილ მარინი საინტერესო განცხადებას აკეთებს. მისი თქმით, გასულ ზაფხულს “ბარსელონამ” “როხიბლანკოს” ნახევარმცველის, საულ ნიგესის შეძენა სცადა: მას პირადად ჟოზეპ ბართომეუმ დაურეკა, რომელიც ფეხბურთელის გამოსასყიდი თანხის გადახდას აპირებდა.

“ბართომეუ ეძებდა ისეთ ფეხბურთელს, როგორიც საულია და მას მისი შეძენა გადაწყვეტილი ჰქონდა და ამასთან დაკავშირებით სატელეფონო ზარიც განახორციელა. თუმცა, “ბარსას” პრეზიდენტმა არ იცოდა ის, რომ ზუსტად 3 დღით ადრე საულთან ახალი კონტრაქტი გავაფორმეთ და მისი გამოსასყიდი თანხა 80-დან 150 მილიონ ევრომდე გავზარდეთ”.

შესაბამისად, ამის გამო ტრანსფერი ჩაიშალა და ნიგესი “ატლეტიკოში” დარჩა. ოქტომბერში კი მან “ვანდა მეტროპოლიტანოზე” ჩატარებულ შეხვედრაში (1-1) “ბარსელონას” კარში გოლის გატანაც მოახერხა.