“ბარსელონა” ფერნანდესის არნაუთი შეცვლაზე ფიქრობს

“ბარსელონა” სპორტული დირექტორის, რობერტ ფერნანდესის გაშვებაზე და მის ნაცვლად კატალონიელთა ყოფილი მეკარის, ამჟამად “მალაგაში” მომუშავე ფრანსესკ არნაუს მიწვევაზე ფიქრობს. ამ ინფორმაციას Sport ავრცელებს.

წყაროს ცნობით, მძიმე ზაფხულის შემდეგ სიტუაცია კი დაწყნარდა, მაგრამ რობერტ ფერნანდესის სკამი კვლავ შერყეულია. სპორტულმა დირექტორმა ჟოზეპ მარია ბართომეუს სატრანსფერო ბაზრის მოხსენება ჩააბარა, თუმცა პრეზიდენტი მაინც ყველაფერში მას ადანაშაულებს.

ფერნანდესის დათხოვნა გადაწყვეტილი ჯერ არაა, მაგრამ “ბარსას” მისი შემცვლელი უკვე შეგულებული ჰყავს – გუნდის ყოფილი მეკარე ფრანსესკ არნაუ, რომელიც 2015 წლიდან “მალაგას” სპორტული დირექტორია.

არნაუ “ბარსელონას” საფეხბურთო სკოლის აღზრდილია. პირველ გუნდში ის 1996-2001 წლებში გამოდიოდა, მაგრამ ლა ლიგაში მხოლოდ 24 თამაში ჩაატარა.