41 წლის მადრიდელი სპეციალისტი სიტო ალონსო “ბარსელონას” საკალათბურთო გუნდის ახალი მთავარი მწვრთნელია. ამ ინფორმაციას კატალონიური კლუბის ოფიციალური ვებგვერდი ადასტურებს.
ალონსო “ბარსელონა ლასას” მთავარ მწვრთნელად დღეს დაინიშნა. მან კლუბთან 2-წლიანი კონტრაქტი გააფორმა, თანამშრომლობის კიდევ ერთი წლით ავტომატურად გახანგრძლივების პერსპექტივით.
სიტო ალონსოს სამწვრთნელო კარიერა სტარტს 2008 წელს, “ხუვენტუტში” იღებს. 2011 წელს, ის სან სებასტიანის “გიპუზკოაში” გადავიდა, სადაც 3 წელი გატარა. 2014-16 წლებში, ალონსო “ბილბაოს” მწვრთნელი იყო, გასულ სეზონში კი – “ბასკონიასი”.
გასულ სეზონში, ალონსოს მიერ გაწვრთნილი “ბასკონია” ევროლიგის ფლეი ოფში, ხოლო ესპანეთის სამეფო თასისა და ჩემპიონატის ნახევარფინალში გავიდა.
2012 წელს, სიტო ალონსო ესპანეთის ჩემპიონატის საუკეთესო მწვრთნელადაა დასახელებული.
