მასკერანო იუბილარია!

დღეს, “ბარსელონასა” და არგენტინის ეროვნული ნაკრების მცველს, ხავიერ ალეხანდრო მასკერანოს 33 წელი შეუსრულდა.

ხავიერის პროფესიონალური კარიერა “რივერ პლეიტში” დაიწყო, რასაც ეტაპობრივად რამდენიმე გუნდი მოჰყვა: “კორინთიანსი”, “ვესტ ჰემი”, “ლივერპული” და “ბარსელონა”. აღსანიშნავია, რომ კატალონიურ კლუბში გადასვლამდე, მასკერანო საყრდენ ნახევარმცველად გვევლინებოდა, მაგრამ “ბლაუგრანაში” მან ცენტრალური მცველის ამპლუა მოირგო და შესანიშნავი სამუშაო გასწია.

2016/17 წლების სეზონში, გამოცდილმა არგენტინელმა “ბარსელონას” მაისურით სადებიუტო გოლი გაიტანა. “ბლაუგრანასთან” ერთად მასკერანომ ჩემპიონთა ლიგა (2), პრიმერა დივიზიონი (4), ესპანეთის სამფო თასი (4), ესპანეთის სუპერ თასი (2), UEFA-ს სუპერ თასი (2) და საკლუბო მუნდიალი (2) მოიგო.