კატალონიური კლუბის პრეზიდენტი ხოსეპ მარია ბართომეუ მადრიდის “რეალს” ესპანეთის ჩემპიონატის მოგებას ულოცავს და აცხადებს, რომ “ბლანკოსმა” ეს მიღწევა დაიმსახურა.
“ბარსელონამ” ჩემპიონს ცხოვრება გაურთულა. ეს ისაა, რაც უნდა გაგვეკეთებინა.
“რეალს” ჩემპიონობა უნდა მივულოცოთ. მადრიდელებმა ის გააკეთეს, რაც უნდა გაეკეთებინათ.
“ბარსელონამ” ძლიერ გუნდებს მოუგო, მაგრამ ქულები სხვა თამაშებში დაკარგა. ეს ამტკიცებს, რომ ლა ლიგა ძალიან კონკურენტუნარიანია და ნებისმიერი მეტოქე მზადაა იბრძოლოს.
თასის ფინალში “ალავესი” პრობლემებს შეგვიქმნის. ამ თამაშს ცივსისხლიანად უნდა მივუდგეთ.” – ბართომეუს ამ სიტყვებს Marca ავრცელებს.
