ლონდონის “არსენალის” ფორვარდმა, ალექსის სანჩესმა ლიონელ მესის გამარჯვებულის მენტალიტეტზე ისაუბრა და ხაზი გაუსვა ამ თვისების მნიშვნელობას.
“მესის საოცარი გამარჯვებულის მენტალიტეტი აქვს. ის მოედანზე გამოდის და ამბობს: “აი აქ ვარ მე, მე საუკეთესო ვარ და ამას დავამტკიცებ”. ასეთი განწყობით განვითარება შესაძლებელია. მივიჩნევ, რომ ყველა ფეხბურთელმა ასე უნდა იფიქროს. ეს ლეოსგან შევიძინე.
ყველას სურს, რომ იყოს საუკეთესო და მოედანზე გაიბრწყინოს. ყოველთვის მქონდა ტიტულების მოგების, ისტორიაში საკუთარი სახელის ჩაწერისა და პირველობის ამბიციები.“-ციტირებს სანჩესის სიტყვებს “არსენალის” პრეს-სამსახური.
