“ბარსელონას” სკოლის აღზრდილი ესპანელი მარჯვენა მცველი მარტინ მონტოია, რომელიც ამჟამად “ვალენსიას” ღირსებას იცავს, კატალონიური კლუბის ბრაზილიელ ვარსკვლავზე, ნეიმარზე საუბრობს.
19 მარტს, “ბარსელონა” “ვალენსიას” დაუპირისპირდება. ამ მატჩში, მარტინ მონტოიას ნეიმარის წინააღმდეგ თამაში მოუწევს.
“ამ მომენტში, ნეიმარი ძალიან კარგ ფორმაშია. ის შესანიშნავ ფეხბურთს აჩვენებს. ის მეტოქის დაცვას ორივე ფლანგზე არღვევს, ატყუებს ფეხბურთელებს… ფლანგის მცველისთვის, ნეიმარი ყველაზე ცუდი მეტოქეა, რომელსაც შეიძლება დაუპირისპირდე.
მოიგებს თუ არა ნეიმარი “ოქროს ბურთს”? დარწმუნებული ვარ, ოდესმე ის ამას გააკეთებს.” – ციტირებს მონტოიას სიტყვებს Mundo Deportivo.

