კასილიასი ევროთასებზე ჩატარებული მატჩებით ჩავის გაუთანაბრდა

“პორტუს” ესპანელი მეკარე, იკერ კასილიასი, რომელმაც გუშინ ჩემპიონთა ლიგის 1/8 ფინალის განმეორებით მატჩში ტურინის “იუვენტუსთან” (0:1) სასტარტო შემადგენლობაში გამოჩნდა, ევროთასების ისტორიაში შევიდა. 

35 წლის კასილიასმა ევროთასებზე რიგით 173-ე შეხვედრა ჩაატარა, ამ მაჩვენებლით ის პირველ ადგილზე მყოფ “ბარსელონას” ყოფილ ფეხბურთელს, ჩავი ერნანდესს გაუთანაბრდა, რომელსაც “ლურჯ-ბროწეულისფერთა” მაისურით ამდენივე შეხვედრა აქვს ჩატარებული.