“სევილიას” ხელმძღვანელობა კლუბის მთავარი მწვრთნელის, ხორხე სამპაოლის მუშაობით კმაყოფილია და მასთან კონტრაქტის გახანგრძლივება სურს, იტყობინება AS.
წყაროს ინფორმაციის თანახმად, არგენტინელ სპეციალისტს კლუბში კიდევ ერთი წლით კონტრაქტს სთავაზობენ. მიმდინარე სეზონის დაწყებამდე, სამპაოლიმ 2 წლიანი კონტრაქტი გააფორმა, მაგრამ იმ პირობით, რომ თუ ის 2017 წლის ზაფხულში გუნდის დატოვებას მოისურვებს, ამის შესაძლებლობა ექნება. თავად მწვრთნელი ჯერ-ჯერობით არ აკეთებს ამ ინფორმაციაზე კომენტარს.
შეგახსენებთ, რომ ბოლო დროს, ესპანურ პრესაში ხორხე სამაპოლის აქტიურად უკავშირებენ “ბარსელონას”.
