კატალონიის “ბარსელონას” ესპანელი თავდამსხმელი, კრისტიან ტელიო, რომელიც ამჟამად იჯარის წესით “ფიორენტინაში” გამოდის, შესაძლოა, მალე იტალიური გუნდის ფეხბურთელი გახდეს.
იტალიური პრესის ინფორმაციით, “ფიორენტინას” 25 წლის ფეხბურთელის გამოსყიდვა 6 მილიონ ევროდ სურს, “ბასელონას” კი ტელიოსთან კონტრაქტში გამოსასყიდ თანხად გაწერილი აქვს 9,5 მილიონი ევრო.
აქვე იმასაც გეტყვით, რომ ტელიომ მიმდინარე სეზონში “ფიორენტინას” მაისური იტალიის ჩემპიონატის 20 მატჩში მოირგო, მის ანგარიშზე 3 გოლი და 3 შედეგიანი გადაცემაა.
