Don Balon – ის მიერ გავრცელებული ინფორმაციის თანახმად, ლონდონის “არსენალის” ნახევარმცველი, მესუთ იოზილი კატალონიის “ბარსელონაში” არ გადავა.
იოზილის “ბარსელონაში” ტრანსფერის თავიდან ასაცილებლად, 2013 წელს ფლორენტინო პერესმა “არსენალთან” დადებულ ხელშეკრულებაში პუნქტი ჩართო, რომლის მიხედვით, თუ “მეთოფეები” გერმანელ ნახევარმცველს კატალონიურ კლუბში გაუშვებენ, ისინი დაჯარიმდებიან.
გაურკვეველია, თუ რა თანხის გადახდა მოუწევს “არსენალს” იოზილის “ბარსელონაში” გადასვლის შემთხვევაში, მაგრამ ცნობილია, რომ ჯარიმის სიდიდე ტრანსფერს კითხვის ნიშნის ქვეშ აყენებს.
