განახლებული ბარსამანია

მოგესალმებით განახლებულ ბარსამანიაზე!

ჩვენ საიტზე ცვლილებები 2 მიმართულებით გატარდა: ვიზუალური და ფუნქციონალური.

როგორც ხედავთ, შეიცვალა დიზაინი. ეს პირველი დიზაინია, რომელიც სპეციალურად ჩვენი ვებგვერდისთვის დაიხატა.

საიტიდან გაქრა მოკლე სიახლეების განყოფილება. ეს ფუნქცია, თავის დროზე, იმ მიზნით დაემატა, რომ ვებგვერდის მომხმარებლებს სიახლეები მაქსიმალურად ოპერატიულად მიეღოთ. თუმცა, ახალი წლიდან, ადმინისტრაცია სიახლეებთან დაკავშირებით პოლიტიკას ცვლის, რაც ამ მიზნის ჩვეულებრივი სიახლეებით მიღწევის შესაძლებლობას მოგვცემს.

ერთ-ერთი მთავარი სიახლე ისაა, რომ საიტს დაემატა ე.წ. განტოტვილი კომენტარების ფუნქცია. ეს ნიშნავს, რომ თუ თქვენ რომელიმე კომენტარზე პასუხის გაცემა გსურთ, კომენტარის ქვემოთ დააჭერთ ფუნქციას “პასუხი” და დაწერთ კომენტარს. ამის შემდეგ, თქვენი კომენტარი შესაბამისი კომენტარის ქვეშ დაიწერება და კონკრეტულ საკითხზე მსჯელობა არა მთელს გვერდზე გაშლილი, არამედ ერთ ადგილას იქნება მოქცეული.

გარდა ამისა, განახლდა ვებგვერდის ძრავი, რაც საიტის უფრო გამართულად მუშაობის საშუალებას მოგვცემს.

იმის გათვალისწინებით, რომ ბოლო საათებში ვებგვერდზე სერიოზული სამუშაოები ჩატარდა, არაა გამორიცხული, რომელიმე ფუნქცია გამართულად არ მუშაობდეს. თუ შეცდომას აღმოაჩენთ, გთხოვთ მომწეროთ PM-ით, ან დაწეროთ ამ სიახლის კომენტარებში და პრობლემას აუცილებლად მოვაგვარებთ.