სპორტული კვლევების საერთაშორისო ცენტრმა (CIES) მორიგი კვლევის შედეგები გამოაქვეყნა და გაირკვა, რომ ლიონელ მესი მსოფლიოში ყველაზე ძვირადღირებული ფეხბურთელია. ექსპერტებმა ევროპის წამყვან 5 ჩემპიონატში მოთამაშე ფეხბურთელთა ღირებულება შეისწავლეს და საუკეთესო 120 მათგანი გამოაქვეყნეს. როგორც გაირკვა, ყველზე ძვირი, 220 მილიონი ევრო ლიონელ მესი ღირს. მე-2 ადგილზე გასული კრიშტიანუ რონალდუ მას 87 მილიონი ევროთი ჩამორჩება.
საუკეთესო ათეული ასე გამოიყურება:
- ლიონელ მესი (“ბარსელონა”) – 220 მილიონი ევრო
- კრიშტიანუ რონალდუ (“რეალი”) – 133
- ედენ აზარი (“ჩელსი”) – 99
- დიეგო კოსტა (“ჩელსი”) – 84
- პოლ პოგბა (“იუვენტუსი”) – 72
- სერხიო აგუერო (“მანჩესტერ სიტი”) – 65
- რაჰემ სტერლინგი (“ლივერპული”) – 63
- სესკ ფაბრეასი (“ჩელსი”) – 62
- ალექსის სანჩესი (“არსენალი”) – 61
- გარეთ ბეილი (“რეალი”) – 60
ყველაზე ძვირადღირებულ ფეხბურთელებს შორის ასევე მოხვდნენ ნეიმარი (მე-11 ადგილი, 58 მილიონი), ლუის სუარესი (მე-16 ადგილი, 48 მილიონი), სერხიო ბუსკეტსი (35-ე ადგილი, 34 მილიონი), ანდრეს ინიესტა (50-ე ადგილი, 31 მილიონი), ივან რაკიტიჩი (61-ე ადგილი, 27 მილიონი), ხერარდ პიკე (65-ე ადგილი, 26 მილიონი) და პედრო როდრიგესი (97-ე ადგილი, 21 მილიონი).
ფეხბურთელთა სატრანსფერო ღირებულება ბევრი ფაქტორის გათვალისწინებით ითვლება. მათ შორისაა ასაკი, ჩატარებული მატჩების რაოდენობა, გოლები, კონტრაქტის მოქმედების ვადა, ასევე კლუბისა და ნაკრების შედეგები.
